Храм Рождества
Пресвятой Богородицы

Осетинская Церковь

Сыгъдæг Мады Майрæмы Иры аргъуан

Новости храма:

Вознесение Господне. Зæрдæвæрæн

9 июня 2016 г.
Праздник Вознесения Господня совершается в сороковой день по Воскресении Иисуса Христа, в день, в который Господь вознесся на небо. Этот праздник всегда проходится на четверг 6-й седмицы после Пасхи. 
"Куадзæнæй ранымайгæйæ æхсæзæм къурийæн йæ цыппæрæмы ирæттæ нысан кæнынц Зæрдæвæрæн (Зæлдæвæрæн). 

Уый у уалдзæджы мæрдты бæрæгбæттæй æмæ йæ кæнынц чырыстон бæрæгбон Вознесениимæ иу рæстæджы. Бæрæгбонæн йæ ирон ном æмæ йæ мидисыл рагæй дæр дис кодтой. Чи нæ рабæрæг, ахæм автор 1900 азы фыста: "Вознесение ирон адæммæ хуыйны Зæрдæвæрæн, ома, зæрдæ куы ныварынц, уыцы бон. Арынц ма дзы æндæр мидис дæр – зæрдæ æвæрын, дзырд дæттын. Рагон чырыстæттæ йын нымадтой йæ дыккаг нысаниуæг, ома, Чырысти зæрдæ æвæрдта, Сыгъдæг Уды зæхмæ кæй æрæрвитдзæн, уымæй. Фæлæ рæстæг цыди, ирæттæй бæрæгбоны чырыстон мидис байрох æмæ йын райстой йæ фыццаг, комкоммæ загъд мидис..." (Периодическая печать Кавказа об Осетии и осетинах. (Сост. Л.А. Чибиров). I-IV. Цхинвал, 1981, 1982, 1987, 1989.)"

Уарзиаты Вилен. Ирон Бæрæгбæттæ незамантæй абонмæ, стр.72. СОИГИ, 1995.

45Уæд сын байгом кодта сæ зонд Сыгъдæг Фыст æмбарынæн, 46Æмæ сын загъта: «Сыгъдæг Фыст афтæ зæгъы, Чырысти хъуамæ фæхъизæмар кодтаид æмæ æртыккаг бон мæрдтæй райгас уыдаид; 47Æмæ, Иерусалимæй райдайгæйæ, æппæт адæмтæм Йæ номæй фæсидтæуа, цæмæй æрфæсмон кæной æмæ сын ныббарстæуа сæ тæригъæдтæ. 48Уымæн сымах стут æвдисæнтæ. 49Æз уын рарвитдзынæн, Мæ Фыд зæрдæ кæмæй бавæрдта, уый. Æмæ уал баззайут ацы сахары, цалынмæ уæларвон тыхæй схайджын уат, уæдмæ». 50Æмæ сæ сахарæй рахуыдта Вифанийы онг, систа Йæ къухтæ уæлæмæ æмæ сыл арфæ бафтыдта. 51Арфæтæ сыл куы æфтыдта, уæд адард уыдонæй æмæ Йæ уæларвмæ систæуыд. 52Уыдон Æм бакуывтой æмæ стыр цинимæ раздæхтысты Иерусалиммæ. 53Уæдæй фæстæмæ иудадзыг уыдысты Кувæндоны æмæ кад кодтой Хуыцауæн. (Лк. 24, 36-53.)

Божественная Литургия в нашем храме в праздник Вознесения Господня:

© 2014 – 2017 Храм Рождества Пресвятой Богородицы

Сайт создан по благословению епископа Владикавказского и Аланского Леонида

362007, РСО-Алания, г. Владикавказ,ул. Войкова, 22

Разработка сайтов студия IT WORKS