Храм Рождества
Пресвятой Богородицы

Осетинская Церковь

Сыгъдæг Мады Майрæмы Иры аргъуан

Куывдуат

Хицауы куывд

Мах Фыд, Кӕцы Дӕ уӕлӕрвтыл! Сыгъдӕг Дӕ Ном, ӕрцӕуӕд Дӕ Паддзахад, Дӕ бар уӕд, уӕлӕрв куыд у, зӕххыл дӕр афтӕ. Нӕ уоныны дзул ратт махӕн абон; ӕмӕ нын ныббар нӕ хӕстӕ, мах нӕ хӕсджынтӕн куыд барӕм афтӕ; ӕмӕ нӕ ма бакӕн фыдӕвзарӕны, фӕлӕ нӕ фервӕзын кӕн фыдбылызӕй.

Уырныны символ

1Уырны мӕ Иунӕг Хуыцау, Фыд, Ӕппӕтылхӕцӕг, арв ӕмӕ зӕххы кӕй уынӕм ӕмӕ кӕй нӕ уынӕм, уыдон ӕппӕты Сфӕлдисӕг, 2 Ӕмӕ Иунӕг Хицау Йесо Чырысти, Хуыцауы Фырт, Иунӕггуырд, Фыдӕй гуырд Чи у афонты ӕппӕты фыццаг. Рухс Рухсӕй, ӕцӕг Хуыцау ӕцӕг Хуыцауӕй гуырд, ӕнӕсфӕлдыст, Фыдимӕ Иууон ӕппӕт Кӕмӕй систы. 3 Мах, адӕмы тыххӕй ӕмӕ нӕ фервӕзыны тыххӕй уӕлӕрвтӕй рцыди ӕмӕ Сыгъдӕг Удӕй ӕмӕ Чызг Мариамӕй буарджын сси, ӕмӕ адӕймаг сси; 4 Ӕмӕ мах тыххӕй дзуарыл тыгъд уыд Понти Пилаты рӕстӕджы ӕмӕ фыдӕбон фӕкодта ӕмӕ ныгӕд уыди; 5 Ӕмӕ райгас ӕртыккӕгӕм бон, Фыстытӕм гӕсгӕ; 6Ӕмӕ ссыди уӕлӕрвтӕм ӕмӕ Фыдӕн рахизфарсырдыгӕй бады; 7 Ӕмӕ ноджыдӕр ӕрцӕуинаг у стырадимӕ, ӕгӕстӕн ӕмӕ мӕрдтӕн тӕрхон кӕныны тыххӕй, Кӕй Паддзахадӕн нӕ уыдзӕн кӕрон. 8 Ӕмӕ Сыгъдӕг Уд, Ӕгасгӕнӕг Хицау, Фыдӕй цӕуӕг, Фыдимӕ ӕмӕ Фыртимӕ ӕмкувинаг ӕмӕ ӕмкадджын кӕнинаг Чи у ӕмӕ пахуымпарты дзурынгӕнӕг. 9 Иунӕг Сыгъдӕг, Ӕмбырдон ӕмӕ Минӕварон Аргъуан. 10 Ӕргомӕй исын донӕйаргъуыд иунӕг хатт, тӕригъӕдтӕ ныббарыны тыххӕй. 11 Ӕнхъӕлмӕ кӕсын мӕрдты райгасмӕ 12 ӕмӕ суинаг ӕнусмӕйы цардмӕ. Аммен.

Хуыцауыныййырӕгӕн кад

Хуыцауыныййырӕг Чызг, цин кӕн, Хорзлӕварджын Мариам, Хицау – Демӕ, арфӕгонд Дӕ Ды устыты ӕхсӕн, ӕмӕ арфӕгонд у Дӕ хуылфы Гуырдз, уымӕн ӕмӕ нӕ удты Ирвӕзынгӕнӕджы ныййардтай.

(Куывдуат. Хуыцауы раргомы номыл сылгоймӕгты алайнаг моладзандон.
«Издательско-полиграф. Предпр. Им. В.А.Гассиева». г. Владикавказ, 2009)

© 2014 – 2017 Храм Рождества Пресвятой Богородицы

Сайт создан по благословению епископа Владикавказского и Аланского Леонида

362007, РСО-Алания, г. Владикавказ,ул. Войкова, 22

Разработка сайтов студия IT WORKS